मजदुरहरुका लागि एक दिने क्षमता अभिबृद्धि तालिम सम्पन्न 

जेठ १३- विश्वका मजदुर एक हौ भन्ने मुलनाराका साथ  दोलखाको सदरमुकाम चरिकोटमा  मजदुरहरुका लागि एक दिने क्षमता अभिबृद्धि सम्वनधी तालिम आज सम्पन्न भएको छ । नेपाल ट्रेड युनियन महासंघ (जिफन्ट) दोलखाको आयोजना र भीमेश्वर नगरपालिकाको सहआयोजनमा भएको तालिममा नेपाल ट्रेड युनियन महासंघ बागमति प्रदेश कमीटीका अध्यक्ष रामहरि नेपाल र बागमती प्रदेश कमीटीका सचिव कृष्ण रिमालले श्रमडेक्सको महत्व,सामाजिक सुरक्षा,श्रमिक पञ्जीकरण,श्रमीकहरुको हर्क अधिकार लगायतको बारेमा जानकारी गराउनु भएको थियो । कार्यक्रममा सहभागीले श्रमीकको हर्क अधिकार कार्यान्वय हुन नसकेको मजदुरहरुले ज्यालामा विभेद हुने गरेको लगायतको बारेमा गुनासो गर्नुभएको थियो । नेपाल ट्रेड युनियन महासंघ दोलखाका अध्यक्ष दान बहादुर बिमलीको अध्यक्षतामा भएको कार्यक्रममा जिल्लाका ६० जना भन्दा बढि मजदुरहरुको सहभागीता रहेको थियो । कार्यक्रममा बोल्नुहुदैँ भीमेश्वर नगरपालिकाका उपमेयर कमला बस्नेतले श्रमीकहरुलाई संगठीत हुन अनुरोध गर्नुभएको छ । उहाँले जिल्लाभरीका मजदुरहरु संगठीत  रुपमा एक हुनुपर्ने बताउनु भएको हो । त्यसैगरी कार्यक्रममा नेकपा एमाले भीमेश्वर नगरपालिका कमीटीका अध्यक्ष भोला खतीवडाले श्रमीकहरुको हर्क अधिकार सुनिश्चित गर्नका लागि मजदुरहरुनै लागिपर्नु पर्ने बताउनु भएको छ ।