दोलखाको घ्याङमा रहेको सरस्वती वनको सिमा विवाद समाधानका लागि पूर्व बैठक

साउन २५- दोलखाको मेलुङ गाउँपालिका वडा नम्वर २ मा रहेको सरस्वती सामुदायिक वन उपभोक्ता समिति र स्थानीय विचको सिमा विवाद समाधानका लागि पूर्व तयारी बैठक सम्पन्न भएको छ । गाउँपालिका वडा नम्वर २ का वडा अध्यक्ष रामकृष्ण भण्डारीको अध्यक्षतामा बसेको बैठकमा वन उपभोक्ता समितिका अध्यक्ष भक्त बहादुर थापाले सामुदायिक वन हस्तान्तरण भएदेखी नै स्थानीय र वनको सिमा विचको विवाद रहेको बताउनु भएको छ ।उहाँँका अनुसार ६५ हेक्टर भु–भागमा रहेको वनको सिमासँग करिब २० जना स्थानीयको जग्गा विवाद रहेको छ । बैठकमा सामुदायिक मेलमिलाप केन्द्र नेपाल दोलखाका राष्ट्रिय स्रोतव्यक्ति मुना गुरुङले विवाद रुपान्तरणको प्रक्रियाको बारेमा जानकारी गराउनु भएको थियो । बैठकमा पालिकाका उपाध्यक्ष एंव न्यायिक समितिका संयोजक गायत्री आर्चाय, सवडिभिजन वन कार्यालय सितलीका रेञ्जर सोनुकुमार राम र सामुदायिक वन उपभोक्ता समितिका सल्लाहाकार रामभरत तामाङ लगायतले मन्तव्य व्यक्त गर्नुभएको छ । प्राकृतिक स्रोत द्वन्द्व रुपान्तरण केन्द्र नेपालको अगुवाइमा वन उपभोग समितिको समन्वयमा भएको बैठकले विवाद सिमाको नक्साङकन गर्ने लगायतका निर्णय गरिएको छ ।विवाद माकुरा समुह मार्फत रुपान्तरण गरिने छ। प्राकृतिक स्रोत द्वन्द्व रुपान्तरण केन्द्र नेपाल जिल्लामा विगत लामो समयदेखी प्राकृतिक स्रोत द्वन्द्व रुपान्तरण केन्द्रले जल,जमीन र जङ्गलसँग सम्वन्धी बहुसरोकारकाहरु विवादहरु माकुरा समुह मार्फत रुपान्तरण लागि काम गरि रहेको छ ।