सुवास नेम्वाङको शव श्रद्धाञ्जलीका लागि दुई दिन पार्टी कार्यालयमा राखिने

नेकपा एमालेका उपाध्यक्ष तथा सांसद सुवास नेम्वाङको शव आज र भोलि पार्टी कार्यालयमा राखिने भएको छ।

भोलि अपाराह्नपख मात्रै अन्तिम संस्कार हुने इलाम १ का सांसद महेश बस्नेतले जानकारी दिनुभयो । उहाँका अनुसार नेम्वाङको शब अहिले ७ बजे ललितपुर, च्यासलस्थित पार्टी कार्यालय लगिँदै छ भोलिसम्म श्रद्धाञ्जलीका लागि शव पार्टी कार्यालयमा राखिने छ । 
संविधान सभा अध्यक्षसमेत रहनुभएकाका नेम्वाङ इलाम—२ बाट निर्वाचित सांसद हुनुहुन्छ भने एमाले संसदीय दलका उपनेता समेत रहनुभएका नेम्वाङको मंगलबार बिहान १ बजे निधन भएको हो ।  उहाँको हृदयघातबाट निधन भएको अस्पतालले जनाएको छ। हृदयघात भएका नेम्वाङलाई राति नै गंगालाल अस्पताल पुर्‍याइएको थियो। अस्पताल पुर्‍याउनेबित्तिकै चिकित्सकले मृत घोषणा गरेका थिए।