दोलखामा मनसुन सम्पर्क व्यक्ति तोकियो 

असार २०

नेपाल रेडक्रस सोसाईटी जिल्ला शाखा दोलखाले मसुन सम्पर्क व्यक्ति तोकेको छ । विपदको क्षेत्रमा काम गर्दै आएको नेपाल रेडक्रस सोसाईटी जिल्ला शाखाले यस वर्ष जिल्लामा हुने मनसुनजन्य विपद् व्यवस्थापनका लागि जिल्लाका २५ वटा उपशाखाहरुमा मनसुन सम्पर्क व्यक्ति तोकेको हो । मनसुन सम्पर्क व्यक्तिले वर्षायामा हुने विपदका घटना र हुन सक्ने जोखिमको बारेमा रेडक्रसलाई जानकारी गराउने छन् । त्यसैगरी विपदका घटनाको बारेमा तत्काल सुचना प्रवाहका लागि जिल्लामा ५जना द्रुत सर्वेक्षकहरु तेकिएको नेपाल रेडक्रस सोसाईटी जिल्ला शाखा दोलखाका सभापति ईश्वरी प्रसाद दाहालले जानकारी दिनुभयो । उहाँका अनुसार सर्वेक्षकहरुले जिल्लामा भएका विपद्का घटना, क्षतिको बारेमा २४ घण्टा भित्रनै अनलाईन मार्फत  रेडक्रस दोलखा र गृहमन्त्रालयलाई जानकारी गराउने छन् । जिल्लामा तत्कालका लागि ५० परिवार प्रभावितका लागि पुग्ने  सुरक्षा व्यवस्थापनका सामग्रीहरुहरु तयारी अवस्था रहेको दाहालले जानकारी बताउनु भयो । जिल्लामा तत्कालको लागि आवश्यक १ सय परिवारलाई पुग्ने सामग्रीहरु रेडक्रस केन्द्रसँग माग समेत गरिएको छ । दोलखामा यसर्षको मनसुनमा १५ हजार ९सय ७५ जना प्रभावित हुने गृह मन्त्रालयले सार्र्वजनिक गरेको  तथ्याङमा उल्लेख गरिएको छ ।