भानु विद्यापति साहित्यिक पुरस्कारबाट कवि मान बहादुर खड्का पुरस्कृत

 भानु विद्यापति साहित्यिक पुरस्कारबाट कवि मान बहादुर खड्का पुरस्कृत हुनु भएको छ । कला साहित्य र संस्कृतिको विकासमा महत्वपूर्ण भूमिका निर्वाह गर्न सफल कवि खड्कालाई २०९ औं भानु जयन्तीको अवसरमा भानु–विद्यापति साहित्य  प्रतिष्ठान दोलखाले ११ हजार १ सय ११ रुपैँया राशीसहित सम्मान गरेको हो । 
दोलखाको कला साहित्य र संस्कृतिको विकासका लागि सरकारी तहबाट ऐन बनाएर कार्यान्वयनको शुरुवात गर्ने काम भीमेश्वर नगरपालिका बाट भएको छ । जसको अवधारणाकर्ता,विचारक र निर्माणकर्ताको मुख्य भूमिका निर्वाह गर्न सफल मान बहादुर खड्कासंग तत्क्षण कविता सिर्जना गर्न सक्ने क्षमता समेत रहेको छ । 
कवि खड्काले यो वर्षमात्र ३ ओजपूर्ण पुरस्कार प्राप्त गर्नुभएको छ । 
कवि,गजलकार एवं साहित्यकार चिरञ्जीवी मास्केले जन्म दिन आमाको नाममा स्थापना गरेको विष्णुलक्ष्मी साहित्यिक पुरस्कार ०७८ बाट पुरस्कृत हुनु भएको छ भने भर्खरै कर्मचारीको नविन सोच÷इनोभेटिभ आईडिया प्रस्तुतिका लागि प्रतिभा डबली अन्तिम चरणको छनोटमा देशभरबाट खड्का दोस्रो उत्कृष्ट कर्मचारीमा छनौट हुनु भएको थियो । संघीय मामिला तथा सामान्य प्रशासन मन्त्रालयद्धारा आयोजित कार्यक्रममा प्रमुख प्रशासकीय अधिकृत खड्कालाई नगद पुरस्कार चालिस हजारसहित पुरस्कृत गरिएको थियो ।भानु विद्यापति साहित्यिक पुरस्कार पहिलो पुरस्कार हो ।
 उहाँ भीमेश्वर नगरपालिकाको प्रमुख प्रशासकीय अधिकृतिको भूमिकामा रहनु भएको छ ।