शैलुङ आठ दोलखाद्धारा काठमाण्डौँबाट नागरिकलाई सेवा

साउन १६-दोलखाको शैलुङ गाउँपालिका वडा नम्वर ८ ले आजबाट काठमाण्डौँमा शिविर सुरु गरेको छ । पालिका वडा नम्वर ८ शैलुङले काठमाण्डौमा बसोबास गरिरहेका वडाका नागरिकहरुलाई सहर्ज रुपमा सेवा प्रदान गर्ने उद्धेश्यले आजदेखी शिविर संचालन गरिएको वडा अध्यक्ष धन बहादुर तमाङले जानकारी दिनुभयो । उहाँका अनुसार काठमाडौं,भक्तपुर र ललितपुर बस्दै आउनु भएका वडाबासी नागरिकहरुलाई सहज रुपमा सेवा दिने उद्देश्यले गरिएको शिविर साउन २० गतेसम्म सञ्चालन हुनेछ । शिविरमा सामाजिक सुरक्षा दर्ता,पुरानो सामाजिक सुरक्षा भत्ता नविकरण,बिबाह,जन्म,मुत्युदर्ता नागरिताको शिफारीस लगायतका वडाबाट प्रदान गरिने सबै प्रकारका सेवा काठमाण्डौँबाट प्रदानगरिने छ । शिविरमा वडा अध्यक्ष तमाङ सहित जनप्रतिनीधी र वडाका कर्मचारीहरुको सहभागीता रहेको छ ।