सुन्द्रावतीमा रहेको कालिका माध्यामीक विद्यालयलाई डस्वीन वितर

फागुन ३ -दोलखाको सुन्द्रावतीमा रहेको कालिका माध्यामीक विद्यालयलाई डस्वीन वितरण गरिएको छ । जिल्लाको कालिञ्चोक गाउँपालिका वडा नम्वर ९ सुन्द्रावतीमा रहेको विद्यालयलाई नेपाल रेडक्रस सोसाईटी उपशाखा सुन्द्रावतीले विद्यालयको फोहोर व्यवस्थापनका लागि डस्विन प्रदान गरेको हो । उपशाखाको वार्षिक उत्सवको अवसरमा विद्यालयलाई १० थान डस्वीन प्रदान गरिएको नेपाल रेडक्रस सोसाईटी उपशाखा सुन्द्रावतीका सभापति शंङकरकुमार ओलीले जानकारी दिनुभयो  । उहाँका अनुसार नेपाल रेडक्रस सोसाईटी उपशाखा सुन्द्रावतीकोे २१औँ वार्षिक साधारण सभा फागुन १० गते गर्ने तयारी भई रहेको छ । डस्वीन वितरण कार्यक्रममा विद्यालयका प्रधानाध्यापक सन्तोष अधिकारी र रेडक्रस उपशाखा सुन्द्रावतीका सचिव बालकृष्ण खड्का लगायतको सहभागीता रहेको थियो ।