मकैबारीमा ५०  लिटर अवैध घरेलु मदिरा नष्ट

पुष २० 
दोलखा भीमेश्वर नगरपालिका ७ उखुबारीमा घरेलु मदिरा नियन्त्रणमा लिई नष्ट गरिएको छ । 
भीमेश्वर नगरपालिका वडा नम्बर ७ मा रहेको देविथान महिला तथा आमा समुहको नेतृत्वको टोलीले ४ जना व्यापारीले अवैधरुपमा विक्री वितरण गर्दै आउनु भएको  ५० लिटर  घरेलु मदिरा नष्ट गरिएको हो । मदिराका कारण गाउँ घरमा झै झगडा  बढि हुन  थालेपछि मदिरा उत्पादन, बिक्री वितरण नियन्त्रणमा  आमा समुह लागि परेको हो । मकै बारीको जैरुन्टा एरियाबाट ५०  लिटर घरेलु मदिरा बरामद गरि नष्ट गरिएको हो । आमा समहुको टोली सहित वडा सदस्य रघु नाथ कार्की, महिला स्वयमसेविका सम्झना बस्नेत, विरेन्द्र आधारभुत विद्यालयका प्रधानाध्यापक कृष्ण बहादुर खत्री सहितको टोलीले अनुगमन गर्दा होटल तथा पसलहरुमा अवैध रुपले घरेलु मदिरा उत्पादन तथा बिक्री वितरण गरेको पाइएपछि  अवैध घरेलु मदिरा नियन्त्रणमा लिई नष्ट गरिएको  हो ।  मदिरा प्रयोगबाट हुने झैझगडामा कमी ल्याउन आमा समुहले अवैध घरेलु मदिरा नियन्त्रण कार्यक्रम सञ्चालन गरेको विरेन्द्र आधारभुत विद्यालयका शिक्षक अभिभावक संघका अध्यक्ष रवि कार्कीले जानकारी दिनुभयो ।