दोलखाको गौरीशंकर गाउँपालिका उपाध्यक्षमा एमालेकी उमा शेर्पा विजयी

मंसिर १७ 
 दोलखाको गौरीशंकर गाउँपालिका उपाध्यक्षमा एमालेका उमा लुङ्गेली मगर शेर्पा विजयी हुनुभएको छ ।  शेर्पा २ हजार ८ सय ५ मतसहित विजयी हुनुभएको हो ।  शेर्पाका निकटतम प्रतिस्पर्धी माओवादी केन्द्रका निम लेकी शेर्पालाई  २ सय ५ मतान्तरले हराउँदै  एमालेकी शेर्पा विजयी हुनु भएको हो । माओबादी केन्द्रका निमलेकीले  २ हजार ६ सय मत प्राप्त गर्नु भयो ।   यस्तै नेपाली  कांग्रेसकी पासदिकी शेर्पाले १ हजार ७ सय २७ मत प्राप्त गर्नु भएको छ  । त्यस्तै राप्रपाकी मानकुमारी श्रेष्ठले १ सय १८, रास्वपाकी गोमा श्रेष्ठले १ सय र एकीकृत समाजवादीका रविना खड्काले ९० मत ल्याउनु भएको छ  । आइतबार सम्पन्न उपाध्यक्ष पदको उपनिर्वाचनमा ७ हजार ५ सय ९० मत खसेको थियो । त्यसमध्ये १ सय १० मत बदर भएको । गौरीशंकर गाउँपालिकामा २०७९ को निर्वाचनमा कांग्रेस र माओवादीले गठबन्धन गरेका थिए । कांग्रेसबाट निर्वाचित उपाध्यक्ष श्याम सुन्दर तामाङको निधनपछि भएको उपचुनावमा सबै पार्टी एकल प्रतिस्पर्धामा थिए  । ९ वटा वडा रहेको गौरीशंकरमा ७ हजार ५ सय ९० मत खसेको थियो ।