विद्यार्थीलाई प्रभु बैक सिंगटी शाखाको वित्तीय साक्षरता कार्यक्रम  

पुस १७
दोलखाको विगु गाउँपालिका वडा नम्बर ४ सिंगटीमा रहेको विगु पोलिटेक्नीक ईन्स्टिच्युट  कलेजमा एक दिने वितिय साक्षरता कार्यक्रम सम्पन्न भएको छ । 
प्रभु बैक सिंगटी शाखाको आयोजनामा भएको साक्षरता कार्यक्रममा विद्यालयमा अध्ययन गर्ने विद्यार्थी, शिक्षक, अभिभावक लगाएत ७० जनाको सहभागिता रहेको आयोजकले जनाएको छ । कार्यक्रमका सहभागिहरुलाई प्रभु बैक सिंगटी शाखाका कर्जा विभाग प्रमुख रन्जित बुढाथोकी र अप्रेसन इन्चार्ज रमिना श्रेष्ठले  बैंकिङ, पुँजीबजार, बैँकमा वित्तिय अबस्था, सहित वितिय साक्षरताका बारेमा जानकारी गराउनु भएको थियो । विद्यार्थीलाई बैंकिङ, पुँजीबजार सहित  आफूले प्राप्त गरेको ज्ञान, सीप आफ्नो परिवार र समाजमा प्रवाह गर्न युवा पुस्तालाई प्रशिक्षण दिएको बुढाथोकीले बताउनु भयो । विद्यार्थीलाई वित्तीय साक्षरताका बारेमा जानकारी गराउने उद्धेश्यले बैंकको सामाजिक उत्तरदायित्व कार्यक्रम अन्तरगत विद्यालयमा वित्तीय साक्षरता कार्यक्रम गरिएको बैंक शाखाले जनाएको छ । यस अगि पनि शाखाले विभिन्न स्कुलहरुमा सारक्षता कार्यक्रम आयोजना गरेको थियो ।  कार्यक्रममा कलेजका प्रिन्सीपल माया शेर्पाले सारक्षता कार्यक्रमहरु क्लेजमा आगामी दिनहरुमा पनि आयोजना गर्न आग्रह गर्नु भयो ।