भण्डारी दम्पतिद्धारा स्नेह केन्द्र दोलखालाई आर्थिक सहयोग

साउन १७- स्नेह केन्द्र दोलखालाई आर्थिक सहयोग प्राप्त भएको छ । जिल्लाको सदरमुकाम चरिकोटमा रहेको आवाज नेपालद्धारा सञ्चालित स्नेह केन्द्र दोलखालाई आर्थिक सहयोग प्राप्त भएको हो । राजनितिज्ञ एंवम समाजसेवी दोलखाको मेलुङ गाउँपालिका निवासी शिवप्रसाद भण्डारीले स्नेह केन्द्र दोलखालाई आर्थिक सहयोग गर्नुभएको आवाज नेपाल दोलखाका अध्यक्ष सिर्जना कार्कीले जानकारी दिनुभयो । उहाँँले आफनो र श्रीमती कल्पना भण्डारी र आफनो जन्मदिनको अवसरमा केन्द्रलाई आर्थिक सहयोग गर्नुभएको हो । समाजसेवी भण्डारीले यसअघि पनि आवाज नेपाल दोलखालाई आर्थिक लगायतका सहयोगको गदै आउनु भएको छ । कार्कीले भण्डारी दम्पतिलाई जन्मदिनको शुभकामना दिनुहुदैँ सहयोग गर्नुभएकोमा आभार समेत व्यक्त गर्नुभयो । अध्यक्ष कार्कीले भन्नुभयो आफनो जीवनको आदर्शव्यक्ती भण्डारीले स्नेह केन्द्रलाई सहयोग गर्नुहुदाँ आफुलाई सधै हौसला प्राप्त हुने गरेको बताउनुभयो । अध्यक्ष कार्कीले स्नेह केन्द्रमा हाल विभिन्न कारणले जोखीममा परेको ३४जना महिला तथा बालबालिकाहरुलाई संरक्षण गरिरहेको बताउनुभयो । स्नेह केन्द्रमा रहनुभएका मध्ये २३ बालबालिकाहरु अध्ययन गरिरहनु भएको छ । संरक्षितहरुका लागि सरकारी तथा गैरसरकारी संघ संस्था,सहकारी,व्यक्तीहरुको सहयोगमानै व्यवस्थापन गरिरहेको बताउनुभयो ।