बोल्नेभन्दा काम नै पहिलो प्राथमिकता हो : मन्त्री ढकाल

साउन १८ । नवनियुक्त कानुन, न्याय तथा संसदीय मामिलामन्त्री भानुभक्त ढकालले आगामी असोज २ गतेअगावै आवश्यक कानुन निर्माणमा मन्त्रालय कटिबद्ध भएर लाग्ने प्रतिबद्धता व्यक्त गरेका छन् ।

शुक्रबार सिंहदरबारस्थित मन्त्रालयमा पदबहालीपछि कर्मचारीलाई निर्देशन दिँदै उनले आगामी असोज २ गतेभित्र सबै कानुन निर्माण नगरे मुलुकमा संवैधानिक र कानुनी जटिलता आउनसक्ने पक्षलाई मध्यनजर गर्दै अगाडि बढ्ने बताए ।

कानुन निर्माणले गति लिन नसक्दा संघीय संसद ‘बिजनेस’विहीन भएको बताउँदै उनले मन्त्रालयका तर्फबाट यसमा विलम्ब भयो भन्ने कुराको प्रश्न उठाउन नदिनेतर्फ आफू लाग्ने र त्यसका लागि सबैको सहयोग जरुरी रहेको उल्लेख गरे ।

नसोचेको परिस्थितिपछि आफू यस मन्त्रालयमा आएको बताउँदै उनले ‘बोल्नेभन्दा पनि काम नै पहिलो प्राथमिकता हो’–भने ।

मन्त्री ढकाललाई स्वागत गर्दै कानुन, न्याय तथा संसदीय मामिला मन्त्रालयका सचिव राजीव गौतमले कानुन निर्माणका लागि मन्त्रालय अहिले दिनरात नभनी खटिरहेको बताए ।

बंगलादेशमा एमबीबीएस अध्ययनरत् नेपाली छात्राहरुबारे विवादास्पद अभिव्यक्तिपछि तत्कालीन कानुनमन्त्री शेरबहादुर तामाङले गत मंगलबार राजीनामा दिएपछि कानुन मन्त्रालय मन्त्रीविहीन थियो ।

नवनियुक्त मन्त्री ढकाल प्रतिनिधिसभा सदस्य निर्वाचनमा तत्कालीन नेकपा (एमाले)का तर्फबाट मोरङ क्षेत्र नम्बर–३ बाट निर्वाचित भएका हुन् ।

नेकपा माओवादी केन्द्र) र एमाले एकीकरणसँगै अहिले उनी नेपाल कम्युनिस्ट पार्टीको केन्द्रीय सदस्य छन् । रासस

 

प्रतिकृया दिनुहोस

नेकपा दोलखाका अध्यक्ष भीम प्रसाद दहालको राजनीतिक यात्रा 

 शरद सापकोटा  ३० साउन, काठमाण्डौँ  रेडियो शलुङ्ग दोलखा/ तत्कालीन नेकपा एमाले र एनेकपा माओवादीको एकीकरणबाट नेपाल कम्युनिष्ट पार्टीको निर्माण

दोलखामा ३ दिने वृहत शैक्षिक महोत्सव सम्पन्न

  रेडियो शैलुङ्ग २० दोलखा सदरमुकाम चरीकोटमा सञ्चालन भएको तीन दिने शैक्षिक महोत्सवसम्पन्न भएको छ । शैक्षिक गन्तव्य हाम्रो अभियान, गुणस्तरीय

अधिनायकवादको बारेमा स्वच्न पनि सकिन्न

अधिनायकवादको बारेमा स्वच्न पनि सकिन्न रेडियो शैलुङ्ग दोलखा बैशाख १८ ÷ परराष्ट्र मन्त्री प्रदीप ज्ञवालीले १४ बर्ष जेल बसेका केपी ओलीले नेतृत्व